修毛夜

媽媽話我o地D毛遮住雙眼，琴晚就幫我o地修吓D毛。希望唔好太肉酸 .... (擔心中)!

 

 

修完後

 

 

 

 

洗白白日

兩位馮寶寶終於係2月28日打埋最後一針，第一件事係沖涼。咁o岩天氣又時凍時熱，所以終於到琴日先可以幫兩位污漕毛球沖涼。佢o地對於第一次沖涼既緊張又好奇 ...

洗完白白後一家人合照

 

大妹浸溫泉中

 

 

大妹洗完白白後

 

 

二妹浸溫泉中

 

 

二妹洗完白白後

 

 

 

 

 

 



三個靚女既合照

馮家寶寶，仍然有2個小毛球成日都瘋狂咁打架、追逐。不過好快大妹到會去新主人屋企，不過今次分離得無咁傷心，因為點都係由我好朋友收養。琴日難得可以捉到佢O地3母女影D合照，老實講都係好唔捨得!

 

大妹(Baileys) 1543g、二妹(Furry) 1343g

 

芘芘 - 絕育手術

琴日11點幾媽媽放芘芘係VET度做Desex，到5點左右去接番芘芘。醫生話芘芘比較怕痛，一醒左就細細聲叫，就好似D人去睇演唱會咁吹BB咁。今朝一早我同媽媽都俾芘花既BB聲嘈醒o左。

 

 

 

 

 

洗白白過新年

琴晚媽咪幫我o地洗白白迎接新年，希望 新既一年都有人好好幫所有毛小孩沖涼、好好愛護所有毛小孩。

 

 

細佬 ... 到新主人家了

細佬琴日終於離開馮家了，我心點都係唔捨得。但估唔到原來可以咁傷心難過，成晚都唔係訓得太好，今日有唔想返工既感覺。新主人一家三口來接細佬，為左細佬專誠訂造個新柜以便安置細佬新居。佢哋原本有一隻MINI既POODLE，希望細佬會開心快樂。我真係好難想像到大妹去新主人時，我會傷心到點。

細佬 Basil 1371g

 

 

 

馮"寶寶"第73日 - 第二次杜蟲

 第73日 ... 馮家寶寶進行第二次杜蟲，3個小毛球瘋狂咁追住支杜蟲糖漿。佢哋3個小毛球係好健康，而且仲好頑皮。仍然每晚半夜都嘩嘩大叫，不過次數已經少左。仲有一個星期細佬新主人會來接佢，老實講真係好唔捨得。

 

大妹(Baileys) 1168g、二妹(Furry) 1068、細佬(Basil) 1195g  (由上至下)

 

大妹(Baileys)

 

 

二妹(Furry)

 

細佬(Basil)

 

2014 - 新年快樂

祝各位小毛孩及小毛孩家人新年快樂、身體健康、心想事成。

 今年我希望可以同Laugh仔、芘芘、3隻小毛球多D去玩，仲有家人同朋友健康!!!

 

等我哋一家人影張大合照同大家講聲"新年快樂"!

 

 

 

芘芘: o錫 o錫先

 

 

 



芘芘: 去咗邊，要影相呀!

 

 

 

Laugh仔: 得未呀?!

芘芘: 得啦、得啦!

 

"新年快樂"!

 

 

 

馮"寶寶"第60日 - 第一針

 第60日 ... 馮家寶寶要注射第一針，媽媽一早叫爸爸引開芘芘。媽媽放好暖水袋同3個小毛球入盒，就出發去打針。醫生話3個小毛球都好健康，只係二妹較瘦。雖然佢哋3個小毛球係好健康，但係醫生唔知佢咃好頑皮。每晚半夜都嘩嘩大叫，唔知道係因為凍定係要wee wee。總之係嘈到媽媽起身，連我同芘芘都無覺好訓。

 

大妹(Baileys) 1004g、二妹(Furry) 884、細佬(Basil) 1030g  (由上至下)

 

大妹

 

 

 

 

二妹

 

細佬

 

馮"寶寶"第52日

 第52日 ... 馮家寶寶真係活潑咗好多，每日兩、三點或四、五點時段都會呱呱叫。要媽媽起身查看3個小毛球，芘芘都會好緊張咁睇下發生咩事。Laugh仔我就一於少理，因為本身我都唔鐘意同3個小毛球玩，佢咃一走埋我身邊，我就立即走開。3個小毛球既體重開始穩定咁增長，而家好似一個長既大麥包咁。

 

大妹 924g、二妹 980g、細佬 935g  (由上至下)

 

 

大妹

 

二妹

 

細佬

 

 

 

 

 

 

馮"寶寶"第42日

 第42日 ... 馮家寶寶已經越來越頑皮，不時會大叫同打架。可能因為開始完全進入斷奶期，所以3個小毛球既體重都唔係好大幅度咁增長。不過一到要食野時間，3隻小毛球就會不停大叫。見到佢哋咁可愛，我都唔敢想像要將佢咃其中一隻俾新主人。

 

大妹 860g、二妹 709g、細佬 850g  (由上至下)

 

 

大妹

 

 

二妹

 

 

細佬

 



 

 

 

 

 

 

 

 

 

產後復出

自從3個小毛球出世後，芘芘同媽媽就好忙。只要o係屋企，終日都係o係3個小毛球身邊。芘芘更加忙到唔同我玩，我o地可以話零交流。不過近幾日3個小毛球已經開始長出牙齒，芘芘唔再成日留係小毛球身邊，所以芘芘同媽媽都開始理會我啦。

 

你o地想同我玩咩，不過而家我唔啋你o地囉!

 

 

 

人o地舅父 ... 咪咁小氣啦，我o地忙著照顧BB呀!



馮"寶寶"第34日

第34日 ... 馮家寶寶既體重由出世到現在已經增加左不少。可能進入斷奶階段，所以3個小毛球既體重有一兩會無增長。

 

大妹 729g、二妹   608g、細佬 735g 

 

 

加上最近天氣咁凍，所以今日特別安排日光浴俾3個小毛球。

 

太陽伯伯太溫暖啦，晒晒下我咃仲訓左覺。

 

 

 

 

 

馮"寶寶"第30日

第30日 ... 馮家寶寶由原本140g左右，已經增加左5倍。二妹體重雖然仍然係最輕既一隻，不過佢亦都開始有頑皮既時間。三隻小小毛球越來越嘈吵，不過仍然係細佬先有吠聲。

 

二妹嘗試爬回箱。

 

 

大妹 657g、二妹  577g、細佬 660g 

馮"寶寶"第28日

第28日 ... 馮家寶寶開始係個箱入面走來走去，甚至玩打架。二妹體重仍然係最輕既一隻。細佬因為比較大隻又或者男仔係頑皮D，所以我成日都見到佢最多動作。三隻小小毛球越來越嘈吵，細佬仲開始有一兩聲吠聲。

大妹 609g、二妹  542g、細佬 618g 

 

 

馮"寶寶"第26日

第26日，馮家寶寶開始變成波狀。不過二妹都係體重仍然係最輕既一隻。細佬既體重已經超越大妹。三隻小小毛球越來越嘈吵，加上大小二便令到芘芘忙得不可休息，而家芘芘瘦到得D骨。

大妹 581g、二妹  498g、細佬 597g (由上至下)