打劫

每逄星期三晚媽媽都好夜先返屋企，難得琴晚早返屋企，就負責我哋既晚餐。

原本我同Laugh仔都好乖企定定等食。不過Laugh仔次次食飯時間，都一定係屋企一邊四周巡邏一邊食飯。

 

媽媽成日都話Laugh仔屁股有釘，即係坐唔定。同我儀態萬千簡直無得比，不過唔知係咪妒忌我呢。琴晚自己既晚餐唔食，當我一走開去要媽媽摸吓嘅時候。佢竟然去食左我既晚餐，光天化日之下... 唔係!係燈光火著之下，都去搶我既晚餐，咁同打劫有咩分別?! 媽媽答應我會將佢既罪證公諸於世 ... hehe

鬼鬼鼠鼠偷番薯

芘芘我近來好鐘意入去爸爸媽媽房hea，同自把自為咁跳上sofa坐媽媽個位，其實平
時都有得入房同坐sofa，唔知係咪偷偷地做就特別開心。一心以為無人發現，點知俾爸爸影低左犯案情況，仲send俾媽媽睇。媽媽話以後要好好咁"釘"住我。

慢吞吞返工既星期二

做咩咁晏都未有早餐食，平時6點半就有得食，今日成8點wor。係咪今日唔駛做呀! 唓，轉頭已經換晒返工衫出黎。Oh，原來今朝唔係返公司先。唉!無晒心機，唔好影啦!人地仲未化妝ga。妳影Laugh 仔啦! 仲影我?我"厘"埋先。妳睇我唔到、妳睇我唔到!

媽媽出左去油麻地做野，好似哥倫布咁發現新大陸。見到條街有個蓋，話要即刻影低俾我地睇喎，又唔係同我地去睇。

佢突然間良心發現，買左台灣天然酵母亞麻籽麵包，係咪俾我地食呢(自我幻想中)。成個麵包烏卒卒咁，等我地捱義氣試吓味先啦。 希望個麵包可以安全抵達屋企啦，唔係中途入左敵人個肚中。

 

黃昏超市遊

 

好難得平日返工日子媽媽早左番屋企，佢可能見幾好天加上仲有太陽伯伯。幾好屎話同我地去街，芘花同我當然懷住興奮既心情出發。

 

 

太陽伯伯真係好勁，晒到我地都要坐吓同訓一訓。

 

妳行先，唔好等我地兩個啦，我都真係要"再坐一會，但願能再坐一會"。

 

快D啦，做咩咁麼呀，行快D啦芘花，你又番左成日工咩?

 

 

唓!原來只係同我地去超級市場飛車，又係做自己野，都唔係同我地去玩。


既然都入左黎，芘芘我地都買定D零食。芘芘妳睇吓o個邊同o個邊，樣樣都好似好好食咁。我諗我有選擇困難症。

都算妳啦，有買我地D野。 妳俾左錢咪先?!

星期日無聊貢一貢

 

 

 

 

早兩日先打完風，都係唔會去得邊。星期日終於唔落雨，最重要媽媽難得唔做薯仔人坐喺屋企，同Laugh仔同芘芘我地出去行吓街。我地準備好啦!

落到街啦，做咩唔放我地自由奔放咁走喎!原來係佢自己要過馬路去銀行，唓!仲以為咁好屎同我地去街。

 

喂!你地係邊個呀?咁惡死做咩，係咪想打劫?! 我無錢ga，你問Laugh仔啦!

 

 

 

 

芘芘妳咁無義氣，我唔啋你呀! 媽媽話幫我地儲起晒啲錢，究竟係真唔係呀?!